政壇：政商定格：王石預警內房香港化
香港嘅樓貴到冇譜，莫講話「蝸居」，愈嚟愈多人買唔起樓要做「無殼蝸牛」。萬科董事會主席王石就「氹」香港人開心，叫大家唔使顧影自憐，事關中國大陸嘅市民好快會同港人一樣住唔起大屋。
王石喺內地外號「地產教父」，佢喺本新書入面幫市民發聲，炮轟樓價過高。佢斬釘截鐵預言，內地城市住宅只會更香港化、東京化，即係居住環境只會愈嚟愈差！佢舉例，深圳每平方公里嘅人均居住面積已經細過東京，而為保糧食安全，內地唔可能再犧牲農田，變成城市。只能高空發展，將啲樓愈起愈高，到時增加埋人口密度，城市望落去就愈似香港同東京喇！最慘嘅係高空建築成本比較高，到時屋只會愈賣愈貴，居民就愈住愈細。
王石預言內地住宅只會更香港化。（資料圖片）