政壇：搞搞政：建仔三將爭掌東區區會
建仔嘅鍾樹根早前成功當選立法會議員後公開話，一定會辭去東區區議會主席個位，交棒畀班地區嘅兄弟姊妹。然而當選至今已超過一個月，佢仍未辭職，原來係建仔內部未協調到。
據了解，樹根「當選辭主席」原來係佢嘅選舉承諾，藉以得到地區黨友全力支持。為咗盡快搵出區會主席嘅接任人，建仔內部早就開始積極協調，但至今仍未傾掂，黃建彬、周潔冰同龔栢祥三個建仔區議員都想爭呢個位。據講三人之中，暫時以黃建彬呼聲較高。
黃建彬依家係區會副主席，再上層樓機會自然大啲；至於有一定知名度嘅周潔冰，由於加入建仔時間唔算太長，要喺建仔全面控制嘅東區區議會當選，機會自然比較細。據聞工聯會亦希望爭取做副主席，以免建仔繼續獨大喎。
設計圖片及對白