政壇：CY馬場宴請廠商會領導

話說尋晚七點幾見到特首CY梁振英同邱騰華一齊喺跑馬地馬場出現，同場仲有勞工及福利局局長張建宗、發展局局長陳茂波同中央政策組首席顧問邵善波。原來係CY宴請廠商會嘅領導層，而且撞正廠商會隻馬「創出商機」出賽，會方唔少人都有到場啦。除咗會長施榮懷之外，仲有多位「深唐」人士，包括全國政協常委陳永棋同立法會議員林大輝都在場，一共兩圍枱。咁融洽，真係全部都係香港營喎。CY當選之後，應該都係第一次喺馬場請咁多人食飯。

施榮懷話大家向CY反映港商喺內地發展嘅機遇，例如可否開拓另一珠三角，稅務安排可以點等等。

第一手消息請下載on.cc東方互動iPhone/iPad/Android/Windows Phone Apps

梁振英（右二）同廠商會領導到露台外觀賽。