政壇：搞搞政：葉劉又有愛將傳入官場
由保安局前局長葉劉淑儀帶領嘅新民黨，成立以來不時招攬啲高學歷、外國名牌大學畢業嘅後生仔加入，係一個尖子黨，但就因為咁，黨員好易成為外間招攬嘅對象。之前發生過葉劉一手提攜嘅前南區區議員陳岳鵬進身官場事件，有消息指葉劉愛徒、「會考十優狀元」Jeff施俊輝有望做翻版陳岳鵬，過檔政府做教育局局長政治助理，倘屬實新民黨將再次成為進身官場嘅踏腳石，唔知葉劉對黨員再三「借殼上市」會否百般感受在心頭？
消息話曾喺學校教書嘅Jeff，今年六月靜雞雞申請做政助，直到上月底先同所屬政黨交代，保密工夫認真一流。據聞Jeff呢次申請做官非葉劉推薦，更有傳葉劉喺剛過去嘅立會選舉前事不計，搵番陳岳鵬到南區幫手，或多或少同扎根海怡半島嘅Jeff拉票表現一般有關喎。
設計圖片及對白