政壇：胡潤地產富豪榜女士威威
新一年度「胡潤房地產富豪榜」喺尋日出爐，高踞榜首嘅係擁有四百五十億元（人民幣，下同），從事商業地產嘅王健林，而喺富豪榜頭五位就有三個係富婆，姊妹們終於威番次啦！
二○一二女首富呢個名銜為吳亞軍嘅囊中物，佢嘅財富達三百五十億元，但已比上年少咗五十億元，吳亞軍係歷年房地產榜中排名最前、白手興家嘅女強人。而第二位富婆係排喺第三嘅陳麗華，佢坐擁三百三十億元身家。至於今年排喺第五嘅楊惠妍，佢喺○七年房地產高峰期嘅時候，挾千三億元財富成為房地產首富，但房地產持續吹淡風，令佢得番二百五十億元財富，比○七年跌咗百分之八十一。
