長者叫好罵曾蔭權刻薄

【本報訊】「就算有資產，老人家一個病，都唔知用咗幾多錢啦！」八十歲的郭伯伯現正領取一千零九十元的高齡生果金，將可自動「升呢」獲發二千二百元的特惠生果金。他認為政府設資產審查是美中不足，「老人家死做爛做十幾年，儲嗰少少錢，以前都有納稅」，但已好過曾蔭權般刻薄長者。

獨居於深水埗一自置物業的郭伯伯自言「冇乜積蓄」，故符合資格領取特惠生果金。他不支持政府設資產審查，因不少長者平日都是「慳住使」才有些少儲蓄，但「今日唔知聽日事」，隨時一場病便花掉所有積蓄。他指每月增加千多元生果金，有助改善生活，「可以買啲菜，唔使天未光就去執紙皮」。

促設全民退休保障

七十三歲長者鍾孝平六十五歲時已做過資產申報，可望自動升格獲發特惠生果金，但他質疑要申報資產，政府需花大筆行政費用，「如果要我申報，寧願唔攞」，並 促請政府設立全民退休保障。