SUN微博：打橫嚟講：咪以為走得甩

中國諺語充滿智慧，廣東的，更精準入肉，嗱！例如：「食豬紅，屙黑屎。」意指「當面見功」。

真o架！每個人的言行，所作所為，定有相應回報的，勤奮努力唸書，考試成績點會唔好？上星期，十．一海難，香港特首梁振英一睇完煙花匯演，立即夥同中聯辦李剛副主任撲去醫院會見傳媒，行動迅速，並於「港殤日」首天，下半旗默哀三分鐘時，流涕連連，感人肺腑，今日民調立即止跌攀升，呢啲咪就係有回報囉！

好啦！那些無良的美容界敗類，在貪曾主政期間，無王管情況下，肆意橫行，無法無天，亂咁打毒針，草菅人命，家陣，終於出事啦！還強詞奪理，推卸責任，看來，定必逃不過畀天收的法律制裁，這也是回報，嚴格來說，叫「報應」，正如身為問責官員，豪飲啤酒後駕車，怎會走得甩o架！此乃「現眼報」也！

講到「現眼報」的「報應」，貪曾的下場，就是最佳見證了！佢在任時，做埋啲衰嘢，咪以為自己信西方宗教，便逃得脫「因果報應」的範疇，依家咪變成過街老鼠，人人喊打！出街也鬼鬼祟祟，怕被人見到呢！

前車可鑑，有辦你睇！作為政府高層，一言一行，所做的決策，一定要「以民為本」為首，關心市民大過天呀！所以，梁班子所有人員，應集體去探望因「醫療失誤」的「美容重傷者」，以表愛民如子的關懷，相信，下星期的民調，又再反彈加分。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：十‧一黃金周陸客新畸事

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot