SUN微博：Sun畸事：周一鑊奪醫學獎
諾貝爾獎本來一年一度，但今次罕有頒發醫學終身成就獎。更令人震驚的是，得主竟是周一鑊！
周一鑊：阿媽我得咗喇！我唔使剩係孭鑊，依家有埋獎金，仲有之前嘅院士銜孭，發達喇！
萍嬸團：呢個獎，你係實至名歸！
周一鑊：謝謝！
萍嬸團：你知唔知點解你喺醫學上嘅成就咁低調，我哋都會知道嘅呢？
周一鑊：係囉，我出咗名為人非常低調，你哋咁都會賞識我嘅？
萍嬸團：一個天才就好似一支美容針，無論你擺去邊個褲袋，佢都會嶄露頭角。
周一鑊：哈哈哈！多謝！我好耐都無聽過人讚我！
萍嬸團：當然，自己吸自己血嘅美容手法都可以畀佢遍地開花，你同啞視一樣，係得嘅！
周一鑊：噢……
萍嬸團：再次恭喜你獲得切爾諾貝爾人類災星大獎！啪啪啪啪啪啪啪！（掌及掌摑聲）
