SUN微博:少膽虫手記:後路,一直都在

今朝啱啱返到堆填區,點知淫賤黎即刻急call我入房,心諗唔知又想噏咩燒錢大計。我一入去,照舊聞到臭味,但忽然間,我感受到一股無比清新嘅感受,由我丹田慢慢散發至全身,通體舒泰,豁然開朗,係我喺度做咁耐都未試過嘅感受!原來淫賤黎睇緊《太陽報》嘅Sun微博呀!只見佢一路拎住份報紙,一路扭住個pat同我講:「少膽虫!正義傳媒報道我個股呀,你睇吓異動得正唔正呀?」

見佢咁開心,完全唔記得晒啱啱先搵完二叔公賣爛電視壹部,於是少膽虫唔小心潑咗冷水:「鬼有得異動咩,停咗牌喇!」淫賤黎當堂就嚇一跳,然後得啖笑。佢低頭扮沉思咗一陣,就問我有咩後路益佢。

「無o架喇,你有眼睇啦,Sun微博做得咁精彩,我哋喺呢行都無得撈o架喇!」少膽虫平日好少咁讚對家嘅嘢,不過真係唔想呃佢。「一係你搵啲代言人嚟做,賣致癌飲品呀、毒生果呀,你最鍾意o架啦!」但見淫賤黎挖住鼻窿,忽然靈機一觸咁話:「傻o架?我打個電話畀鐵頭仁,叫佢撤銷生果金審查,咪掂囉!」

係醒喎!老細果然係我哋最好嘅老細!

第一手消息請下載on.cc東方互動iPhone/iPad/Android/Windows Phone Apps

少膽虫