政壇：政商定格：宋林寓生意於扶貧
華潤集團近年業務行多元化路線，市場印象最深係佢哋嘅啤酒、飲品業務，佢哋投資咗超過二十六億元人民幣，為華潤雪花啤酒同怡寶水飲品而設嘅「雙百萬噸項目」廠房，終於喺安徽六安市開工大吉，董事長宋林親自去主持開幕儀式，老友仲爆料，話宋總趁出差，去咗扶貧。
安徽金寨縣原來有個叫「華潤希望小鎮」嘅項目做緊，概念係華潤喺○八年提出，目的唔單止係幫助貧困地區嘅農民脫貧咁簡單，而係扶助希望小鎮嘅產業，同集團相關嘅產業中心進行緊密結合，概念似足啲企業成日講嘅協同效應。
經幾年努力，華潤喺多個革命老區，建成希望小鎮。宋林今次帶隊去到金寨就同當地嘅幹部同群眾代表傾希望小鎮嘅產業發展模式，同埋小鎮建設改造等議題。
宋林帶隊去安徽傾希望小鎮嘅產業發展模式。