政壇:政商定格:社企推逢周一茹素名人齊撐

社會企業Green Monday日前喺九龍灣零碳天地舉行慈善活動,致力推動每逢周一食素嘅運動。零碳天地係由環境局局長黃錦星設計嘅環保建築物,依家仲未正式開放,太子珠寶鐘錶執行董事Joseph朱繼陶伉儷、明天更好基金理事委員林曉盈、仁愛堂總理張瑋傑伉儷等已急不及待到場先睹為快。

Green Monday聯合創辦人David楊駿業同Francis魏華星都係「無綠不歡」,David更加食素長達十一年。

佢話初初食素係基於宗教理由,後來真正愛上蔬菜嘅清甜,更加與「三高」講拜拜,每年驗身都好放心。

Green Monday係以嶄新形式營運嘅社企,近似市場營銷公司嘅角色,並提供平台予環保愛好者交流,合作夥伴包括連鎖餐廳、醫院及大型企業等,嚟緊仲會同學校膳食供應商合作,將無肉星期一帶進校園。

第一手消息請下載on.cc東方互動iPhone/iPad/Android/Windows Phone Apps

魏華星(左起)、林曉盈、楊駿業及弟弟楊偉業致力推動周一食素。