SUN熱辣：增負重隨時釀冧樓
新界村屋僭建物處處，部分業主於天台加建玻璃屋或溫室，更甚者將三層高村屋，加建至四層，甚至五層。註冊工程師表示，僭建物會增加建築物重量，或會影響建築物結構，增加倒塌危機。
「僭建物係喺無入則嘅情況下加建，而且並非由專業人士設計，會對樓宇結構造成破壞，如果僭建物面積、重量愈大，危險性亦相應增加。」香港註冊專業土木及結構工程師彭振聲指出，村屋興建時並無打樁，僭建會影響建築物結構。如果遇上惡劣天氣，甚至颱風等，更會增加建築物倒塌危機，危害居民安全。
彭續說，除新界村屋外，市區樓宇的僭建物亦同樣危險：「特別係啲舊樓，樓宇已經老化，僭建帶嚟嘅額外負重，都會增加樓宇倒塌危機。」
彭振聲指村屋興建時並無打樁，僭建會令建築物結構變得不穩。（資料圖片）