SUN微博：Sun畸事：生果金黑幕

當舖裏，有一肥佬鬼鬼祟祟，捧住壹部爛電視，躡手躡腳地走入內……

淫賤黎：唉！爽報燒錢要燃料，惟有賣咗部爛電視佢啦！幾錢呀二叔公？

二叔公：爛電視壹部！係唔係中國製？會唔會爆炸o架？

淫賤黎：放心，我絕對崇洋媚外，而且部機除咗黐幾條線，仲掟過落海搞到鹹鹹地咁之外，都無人睇過，所以幾新淨o架！

二叔公：咁呀，我畀三點七……元，啃咗佢！

淫賤黎：竟然仲值錢？好開心呀！

二叔公：賣「壹部電視」有咁多，執到啦你！

淫賤黎：你真係好眼光，好多人以為真係可以賣到三點七億㗎！

二叔公：唔係咁，我點做呢行呀？

淫賤黎：唉，但我就要喺我嗰行收皮喇……

二叔公：狡兔尚且三窟，你仲有咩後路？

淫賤黎：我叫咗白鴿黨搏命爭取撤銷生果金資產審查喇！

二叔公：咁又點？

淫賤黎：嘻！賣生果邊有金執呀？要執就返香港執生果金啦！