政壇：政商定格：黃錦成地獄式培訓囡囡
世家講究傳承，扎根香港六十周年嘅九龍表行尋日喺尖沙咀一個商場舉行展覽，錶行董事總經理黃錦成坐鎮外，黃嘅愛女黃雅芝（Angie）同堂弟黃家恒（Kevin）都有去幫手，原來呢兩個錶行第三代已經開始接班，佢哋一個十三歲去咗美國讀書，一個就係紐約大學政治學高材生。
Angie話爸爸對佢有好多地獄式訓練，佢每年暑假返港做暑期工，每日開工十二個鐘，只准企唔准坐之餘，仲只得半個鐘食飯時間，令佢一早知道搵食好艱難。讀完經濟學學位後，佢去咗上海工作三年，返港後依家主要負責鐘錶出口銷售。至於堂弟、今年只有二十五歲嘅Kevin，就喺紐約大學修讀政治學畢業後，返錶行做咗近一年，依家主要負責市場拓展。佢透露，公司現正致力開設新店，貨品則以中價為主。
黃錦成希望年輕人遇到挫折唔好放棄，要化危為機。