SUN微博：打橫嚟講：還我河山，光復貝澳

十多廿年前，在香港，到沙灘紮營過夜，海風拂吹，浪聲伴奏下，躺臥看星，是件爽透心涼的快事；偶爾遇見流星滑掠天際，合十默禱，願世界和平，及掛念遠方的她，多浪漫寫意啊！可惜……

今天，香港萬物騰貴，三、四百萬的舊房子已算是筍盤好貨；還有人捱着十多元一粒鐘的苦工，香港政府仍說不出「貧窮線」的定位，實況是不敢說真相。小市民或窮等人家不想花費，又或做啲有益身心的活動，背個帳幕到郊野露營吧！怎知，也敵不過強國人民大軍壓境的佔領行動！

香港磚頭樓盤，早被內地暴發同胞搶貴晒啦！估唔到唔使錢的荒野沙灘，一樣畀佢哋強攻霸佔晒。一群號稱「驢友」的強國人民，為慳皮唔租住酒店賓館，寧願風餐露宿，到海邊「爆露」，還開餐煮食，洗濕咗啲底衫褲同薄落，吊掛樹邊，將「五星級營地」變成烏鼠藏身的狗竇；垃圾亂拋，嘔吐物亂嘔，講話聲浪大過浪聲，煲煙臭味破壞清新空氣，嚇到流星動也不敢動！

香港人多慘，市區空間逼夾，走來伸展筋骨啦！強國驢友的營幕見孔插針，連窄窄的小罅竟也不放過，硬捐進去，仲向港人勸說：「大家都係中國人，謙讓吓啦！」真係吹乜脹！

當本地人促政府設港人優先使用制時，行政會議召集人林煥光則表示，內地人係有帶錢嚟消費o架！話晒過門都係客喎！咁唔該你招呼佢哋去你屋企好唔好？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

email：sunweibo@opg.com.hk

「就係敢爆」網址tv.on.cc/hot