政壇：政商定格：法師借詩點化高永文
近日開書畫展嘅衍陽法師，尋日請到食物及衞生局局長高永文主禮，仲特別回贈一幅字畫畀高醫生做紀念，字畫上有竹葉，竹葉旁嘅四句詩為「柔枝常逐夢，潤葉總含情。俯首低眉聽，民間疾苦聲」。
衍陽法師解釋，覺得高醫生遇上乜嘢事都可以溫文有禮對待，好似竹枝咁柔和，就算面對對手點樣打擊，都想動之以情，就好似竹葉咁總有被滋潤嘅時候。後兩句則提醒高醫生要聆聽民間聲音，先要放低高官身段。
高永文話自己唔係佛教中人，未能夠即時領悟詩中意思，但自己對佛教向來尊重，所以一定會花時間參透吓喎！
