內地有城管隊發揚創新精神，以眼神執法，大大加強了我國的綜合國力，更意外令某港星憤憤不平。
梁潮偉：可惜我當年走去拍戲，早知加入城管隊，為人民幣服務。
金城冇：係又點，都係收唔番釣魚島。
梁潮偉：咩呀，給在下三千城管，就足以踏平東京！
金城冇：講笑咩，東京之旅一早比一世遙遠。
梁潮偉：哼，你唔知我國城管嘅絕技，就係動人心弦、勾人魂魄嘅霹靂無敵大電眼咩？
金城冇：吓？咁閣下一直以來拍嘅，原來唔止係戲，仲係……
梁潮偉：仲係攻打日本女性嘅大殺傷力武器，直逼廣島原爆！
金城冇：唔怪得中國軍艦成日淨係喺度望啦，原來係咁勁o架，好驚驚！
（花生友如有對號入座，請食自己）
