政壇：政商定格：囡囡助貧童伏明霞欣慰
國際小母牛香港分會主席梁錦松同身兼小母牛愛心大使嘅太太伏明霞，早前帶咗九歲大女司渝一齊去探訪佢哋七年前探訪過嘅雲南農戶。小母牛幫農戶建設無臭乾爽豬圈。便便唔臭？啱！小母牛教村民利用發烤床將豬糞分解，保持農村衞生同豬隻健康。咁有趣嘅「發明」，搞到司渝即刻要幫手更換發烤床。其後司渝見到有個男仔屋企冇玩具又冇課外書，小伏就鼓勵佢將自己本故事書送對方，初時司渝有啲猶豫，後來大方割愛，仲喺本書度寫上祝福字句添。見到個寶貝女唔怕辛苦又咁主動關懷他人，阿松兩公婆都好欣慰。
同伏明霞（左二）一齊戴黑超嘅司渝（左一），同爸爸梁錦松（右一）探訪雲南省嘅農戶。（小母牛提供）