政壇：政商定格：黃英琦搞「好單位」官商齊撐
喺文化界頗具影響力嘅灣仔區議會前主席Ada黃英琦最近又有新搞作。佢有份創辦、倡導社會創新嘅跨界別聯盟「好單位（The Good Lab）」，尋日下晝喺長沙灣星匯居商場開幕，盛傳係文化局局長人選嘅民政事務局副局長許曉暉都有現身，到賀人流逼爆逾二萬平方呎空間。發展商恒基兆業副主席李家誠都有撐場，仲拍心口話全力支持Ada嘅理念，所以頭兩年免租。
Ada雖然同政府擬於架構重組後新設嘅文化局局長失之交臂，但無損佢瞓身推動社會創新嘅熱誠。問佢是否抱憾？佢爽快話留喺民間社會，可做嘅事仲多添！咁又係，今次「好單位」就集齊五個社企及非政府組織，包括Ada做召集人嘅「MaD創不同」、「黑暗中對話」、社企民間高峰會、香港社會創投基金同香港社會創業論壇。
許曉暉（右二）低調現身，同李家誠（右一）、林鄭月娥（右四）齊唱生日歌。
黃英琦話留喺民間社會，可做嘅事仲多。