政壇：搞搞政：哪吒吸到票唔使黐民協
以無黨派身份出戰立法會新界東直選，成為西貢票后嘅「哪吒」方國珊，雖然飲恨落敗，但似未有放棄進軍立法會嘅決心，佢話今後會將一手成立嘅組織「專業動力」擴大，希望來屆區選派出十幾人參選，而焦點唔再單喺將軍澳，下一個據點好可能係同樣以中產為主嘅馬鞍山。
哪吒話從今次選舉已睇得出，自己喺將軍澳嘅實力唔差，但單靠一個區唔夠，所以計劃建立多個據點。模式似乎同民協一樣，先扎根深水埗，再擴展至九龍城、油尖旺等。
原來選舉前民協馮檢基曾搵過哪吒傾偈，似係搵佢過檔，但哪吒話大家理念唔同，即時拒絕咗，但估唔到選後連西環都搵人聯絡佢，即係泛民同建制都向佢招手。不過，佢話既然今次獨立身份可以搶到咁多票，相信今後都係用番獨立身份。
設計圖片