政壇：李少光讚香港亂中有序

退休後嘅保安局前局長李少光尋日罕有出席一個新書發布會，提到自己雖然已離開政府，但仍然有留意時事。咁點睇新政府民調同高官表現？佢就封口唔講，叫記者問番現任保安局局長黎棟國。但談及香港社會近排好似好亂、好黑暗，佢就爆金句反駁：「香港幾繁榮，邊度係黑暗吖？香港本身有自由，亂中有序嘅，老百姓生活都係咁o架啦！」

佢又話退休後樂得清閒，每朝六、七點就起身，有時跟太極師傅耍番兩招，又約吓老友打高爾夫球，夠晒健康寫意，恨死班依家仲喺熱廚房捱緊嘅舊高官同事。

第一手消息請下載on.cc東方互動iPhone/iPad/Android/Windows Phone Apps

李少光退休後忙於度假、打波同耍太極。