偷拍列性侵罪苦主叫好
【本報訊】偷拍裙底擬列性侵犯罪，市民多表支持。「好囉，可以拉晒啲變態佬！」不少女網民在網上紛紛發表意見，更有「姊妹」直指曾身受其害，被人以手機偷拍「侵犯」。「我見佢隻手拎住部電話左望右望，之後真係伸入個女仔條裙入面。」有網民更指曾於港鐵車廂及扶手電梯目睹有人偷拍，本已捉住偷拍狂，但最終因事主怕事而放人。另也有男網民擔心「隨時我望你一眼都係性侵犯」，攝影自由會被剝削。
「好多人都以為做咗（偷拍）冇人會知！」關注婦女暴力協會總幹事王秀容表示，支持法改會建議，認為可收阻嚇作用，亦建議港鐵必須加強實際行動去防範，一改偷拍氾濫成災風氣。王續指，因社會風氣加上智能手機方便，使不少人「踩界」偷拍，甚至上癮成狂。
網上有「姊妹」親述曾被偷拍經歷。