SUN微博：Sun畸事：上水抽水客

自網民組織「光復上水」行動之後，水客未見收斂，幸得高人親赴光臨指導，方令港鐵嚴格把關。可惜，高人一走，上水站故態復萌，令某名抽水客忍不住再上陣應付。

水客：哎呀！做咩打我？

抽水客：唔係打，係抽打！我抽！

水客：哎呀呀！唔好再抽喇，我哋走水貨都好辛苦o架！

抽水客：哼！就係你，搞到成個上水亂晒、嘈晒、貴晒！

水客：唔係呀？你又唔話鬼佬炒到中環亂晒、嘈晒、貴晒？

抽水客：你唔好轉移視線！我淨係針對你呢啲人先！唔得咩？

水客：咁你想我唔撈？但係攤大手板拎綜援又畀人話……

抽水客：你搵咩工係你嘅事，家陣你轆親人隻腳就唔啱！

水客：咁呢啲係貪曾遺禍嚟嘅……

抽水客：又關佢事？

水客：咁上水站設計咁細咁舊，又話要搞融合，又唔搞好佢！

抽水客：你唔可以咁話佢！

水客：點解呀？

抽水客：（揮舞旗幟）因為佢係港英最器重嘅人才！

水客：＆＊％％＄＠︿＄＃

（花生友如有對號入座，請食自己）