政壇：政商定格：王賢詠攝影集行善家族齊撐
已故「電子大王」兼大慈善家王華湘嘅大孫女王賢詠（Vivian），早前喺上環夏至畫廊舉行《背後及往後（Behind and Beyond）》個人攝影展，並出版首本攝影集，為香港癌症基金籌款。當日王氏族人傾巢而出，包括Vivian爸爸兼王家長子王忠椏、次子兼前東華主席王忠桐、三子王忠梴及老么兼前仁濟醫院主席王忠秣等，王家第二代全員到齊，第三代亦有前東華總理王賢誌及仁濟總理王賢訊（Vincent），場面十分墟冚。
呢一日展示嘅作品主題不乏古舊嘅建築物，其中最受歡迎嘅《香格里拉》，係透過兩幅古牆窺視山城風光，燦爛陽光、簡潔線條，盡顯人間淨土之美。
王忠桐（左）及囝囝王賢誌（右）爽快買走左面呢幅《香格里拉》。
王賢詠（中）開攝影展做善事，爸爸王忠椏同媽媽梗係捧場啦。