政壇：搞搞政：廚房唔夠熱?鄧國威行路減肥
中年人通常都會發福，但係有人暴瘦嘅話，好多時都引嚟唔少揣測。公務員事務局局長鄧國威（Paul），近年來由面圓圓變成面形同身形都激瘦，官場呢個熱廚房唔通真係咁難頂？尋日鄧國威同傳媒茶敍時，佢就即刻澄清自己冇病，激瘦只係刻意減肥啫！原來愛靚唔係女人嘅專利。
阿Paul由政務系統出任問責局長，挑戰真係好大，但佢話身形同近期嘅工作無關，而係早在兩年前已開始。佢話，自己感覺人到中年，工作多兼運動少，唔想有病先要做運動同減肥，所以喺兩年時間內加強運動，結果減咗成二十磅，而佢嘅減肥良方竟然係行路，阿Paul話喺香港行一陣就會出一身汗，所以佢保持每日都行半個鐘，另外就係戒甜嘢喎！
設計圖片