Sun奇古怪：Sun潮語【彈鐘】

喂喂喂……一眾男士們一見到「彈鐘」呢個潮語，唔好扮唔明同詐唔知，有時啲嘢無私顯見私，此地無銀三百両，愈描只會愈黑，欲蓋彌彰。講到咁……大家都可能估到，「彈鐘」不但是和男人有關，更是一個來自娛樂場所的術語，輾轉而成今日的潮語。

男人去夜場冶遊消遣，很多時候都會請些女公關來陪酒的。而陪酒的錢都是斷鐘計的，那就是所謂的「枱鐘」。

而那些陪酒女郎，都是由公關經理視乎客人喜好而安排的。如果客人不喜歡經理所安排的女公關，客人是可以要求經理再次安排另一位女士的，這就是「彈鐘」，即「彈」回頭的意思。後來「彈鐘」就引申為打回頭，拒絕接受，唔收貨的意思。甚至更簡化地用一個字「彈」來說表示抗拒，效果就同「彈票」差不多。

例如見到政府硬推一些好唔掂嘅方案，怒人甲肯定會講：「唔係嘛？咁爛嘅嘢監我哋香港人要？老虎蟹都彈啦！」又或者，有朋友見你單身，為你充當紅娘介紹女仔你識，點知朋友介紹咗個扒中極品畀你，當時你可能會同個朋友講：「可唔可以……彈？」

當然有時候被「彈」的公關不定是樣貌問題，或者客人重口味都唔定。不過被「彈」的人，始終是帶一點難受。然而，如果有時啲嘢真的很難接受的話，「彈」都很合理，始終如果選擇權在手的話，總會希望揀到最啱。就好似最近選舉，有位哨牙議員，就被全港選民以選票「彈鐘」出局，全城同慶。其實，佢又點同另一位建制派後生女鬥吖……佢估自己真係劉華咩？