City Parade：潮人集中型
「潮」牌集中地的香港，一向係摩登不夜城。本地一間時尚百貨公司號召全球時尚運動，早前喺中環ifc專門店舉行Fashion's Night Out，城中潮人齊響應「全球購物夜」，反轉屋企衣櫃，唔型唔着。香港地，善長特別多。東華三院為免費醫療服務籌募經費，喺洲際酒店舉行「愛心滿東華慈善晚會」，一眾董事局成員傾巢而出，暖意洋溢會場。
Fashion's Night Out：至潮一族
名模姚予晴（右起）、熊黛林、馬詩慧及填詞人黃偉文，潮鬥一番。
型爆全場
今季秋冬仍大旺金色，「上海灘」老闆鄧永鏘千金鄧愛嘉率先以一頭金髮示人，型爆！
進帳不少
榮升西餅店老闆的Amanda S（左）接到唔少「大柯打﹂，老友Lisa S（右）都戥佢開心。
配襯得宜
著名時裝設計師何志恩以別致皮頸鏈襯花花裙，大玩Mix and Match。
善心型Tee
售價四百多元嘅慈善Tee圖案精緻，名模楊崢都話愛不釋手。
一身鬆晒
老公楊哲安（右）唔再做官，張燊悅（中）鬆一口氣，與友人齊出席活動享受購物樂。
愛心滿東華：局長都讚
陳文綺慧（右）得老公陳宇齡（左）御准，穿上 飄逸晚裝，食衞局局長高永文（中）當然讚靚喇。
齊心向善
副主席施榮恆（中）與太太Irene（右）及總理鄧耀邦（左），齊心出錢又出力。
女性典範
東華女總理葉琳（左起）、陳曉鈴及陳蕙蘭，都係智慧與美貌兼備的時代女性。