SUN微博：打橫嚟講：假月餅，真要命！

一年容易又中秋，話咁快，眨吓眼，月底就係八月十五了！

每年，呢個時候，坊間四處皆可看到大型月餅廣告，推銷各式各樣月餅；與此同時，亦係大陸地下食品工廠發大財嘅契機。

上述那些地下食品生產商，確實無所不能，只要有錢搵，假蛋假鹽假人肉都可以「發明」出嚟，大時大節，端午的話，佢哋就做糉，中秋囉喎！咪做月餅囉！平日，做假鮑魚和燕窩，打發時間！

以佢哋嘅工藝才能，足可生產優質嘅賀節佳品，但偏偏一定有正路唔走，係要行歪路，做啲喪盡天良嘅壞事，咁先係佢哋做人嘅本性。

當然，製造劣質月餅，用料差，成本低，利潤便高囉！但佢哋硬係要加重「防腐劑」，明知對人體有害的，都話之你，仲有落「地溝油」啦！臭嘅壞蛋亦照用，餡料嘅麵粉，寧棄平價次貨，都改由化學調味粉溝出嚟嘅新發明代替，佢哋嘅心態，真係好奇怪，好恐怖！

唉！大陸嘅食物監管，根本就如同虛設，上一劑，二○○九年震撼全球嘅毒奶粉事件，時任國家藥監局食品安全協調司司長孫咸澤，最近已經連升兩級，紮職為副局長，而那些毒奶粉的下落又喺邊？如何處理？從無公布！

中國大陸官場文化之可怕，怎教人安心？正正這類思維和意識沉淪南下，香港公民無法接受，有說這是文化差異，實是人類道德的核心價值崩潰，半寸也不能放鬆和接受的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：潮流興佔領

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot