SUN微博：Sun畸事：咬爛蘋果爽死

哀鳳5今日接受預訂，全球信眾夜不敢寐，駐候螢幕前F5到天明；另一邊廂，啞視突然化身正義傳媒，使出大埔風範，力數爛果報宣淫誨盜，又是另一普世價值。

哀鳳：哀鳳呀，誰都喜歡你，老翻也自豪～

啞視：你講嘅老翻，肯定係爛蘋果？

哀鳳：咁你都知？收風準咗喎。

啞視：反中亂港傳媒惡名昭彰，有邊個唔識？

哀鳳：咦，你咁算唔算突然正義呢？

啞視：咪咁苛刻，畀我正義半日收復吓道德失地啦……

哀鳳：其實你正義定邪惡都冇分別，反正都係零收視。

啞視：咪講笑！呢期《啞視焦點》「詢問度」不知幾高！吸引超過四萬人關注！

哀鳳：嘩，咁咪仲多過收睇《歡樂滿江華》嘅人！啞視你不如下屆出嚟選立會啦，急都唔使告就肯定有一席。

啞視：報人告急我最在行，到時我假告急攞埋第二席都仲得！到時要喺啞視門口熱烈地彈琴熱烈地唱！

哀鳳：講到真一樣，你諗住搵邊個做樁腳先？

啞視：梗係淫賤黎啦！寶島爛果告緊急啦！

（花生友如有對號入座，請食自己）