政壇：政商定格：張瑋傑賀囝囝百日兼慶生
仁愛堂總理Ricky張瑋傑日前為囝囝Colin啟博擺百日宴，「鋼琴公主」孫穎、名媛Sharon郭秀雲同仁愛堂一班兄弟姊妹都有嚟湊熱鬧。原來當日係Ricky生日，大家仲齊唱生日歌切蛋糕添！但Ricky笑言，細個時好唔鍾意生日，事關佢生日係九月一日開學日，梗係唔開心啦！
Ricky同太太Isabella五年抱三，兩個囡囡加埋囝囝一家五口樂也融融。產後極速收身嘅Isabella除親手布置百日宴場地，仲準備好生日禮物送畀老公，係一個玩具足球龍門，寓意老公事業「鯉躍龍門」，第時會放喺屋企花園度，等Colin長大後同爸爸一齊踢波。
張瑋傑母親Ada（右起）、兩個囡囡、張瑋傑、Colin同Isabella一家甜蜜溫馨。