政壇：搞搞政：劉江華李慧琼行會換位？
建仔副主席劉江華敗選超級區議會議席，尋日佢表明唔會按原定計劃接任黨主席，推薦現任主席譚耀宗再坐一會，或由新當選「超級票后」嘅另一副主席李慧琼接棒。被問及會否加入政府時，佢一方面話自己未必適合，但另一方面又話要視乎將來情況同考慮各方意見，無閂晒後門。
不過，建仔內部有人指出，黨主席不宜兼任行會成員，以免政府有醜聞同施政失誤時，整個黨都受拖累。若果李慧琼接任主席，就應該讓番行會個位出嚟，而黨內最適合接任人選，正係早前將行會席位讓畀李慧琼嘅劉江華。事實上工聯會喺行會嘅代表鄭耀棠亦唔係立會議員，咁安排反而可令大家做嘢都放啲。劉江華係咪同李慧琼互換角色？咁就要拭目以待嘞！
設計圖片