SUN微博：打橫嚟講：大陸的《官德》，咁話嘅……

閒極無聊，北上，跑去深圳，到書城逛了一圈。

大陸出版，近年發展神速，新書繁多，這並非自由開放咗，而係出書搵到錢啫！只要唔踩正政治敏感地雷，乜都可以講，即如香港國民教育的底線般，有大官話你知，佢哋係無立場規範的，你哋可以自由決定點搞，但要知道，最終決定權，係喺邊個人手裏就得嘞！

我買咗本在香港不曾可以出現的「好書」，名為《官德》，內容真係正到痹，仲係「正到無朋友」嗰隻，淨係篇「序言」，講乜嘢係「權與德」，已叫人肅然起敬，尤其一句「官的政績決定於他的能與德，但主要是德」，仲話「有德無能至少不會辦壞事」喎！呵呵！即係「無德而有才的，必做壞事」乎？所以請無能嘅人做官，妥掂好多？正呀！

此書力薦「要堅持人民的利益高於一切」，「時刻想着百姓」（吓！好唔得閒喎），仲有，要「不欺下，不諛上」、「辦實事，除弊政」（喂！搵食啫！唔係想做聖人呀！大佬！）

呢本《官德》的內容，唔知講真定係贈興，裏面教人做公僕，要緊記「權力是人民給的」，常懷「謙遜」同敢於「殉職」的精神，「忠誠老實是為官之要」（唔好做大話精？），亦大字標題指出「誠信為社會之基」，要向主子效忠，「不報假情，不欺上」，予「對歷史負責，如實告訴人民，告訴後人」，能昭日月，唔怕雷劈雨打。

好想買多本送畀香港特區政府，但佢哋唔使睇及唔會睇！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：潮流興佔領

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot