政壇:林鄭陪長者「絕食」籌款助學

香港世界宣明會尋日舉行「耆英饑饉八小時」活動,有一千五百個長者參加,政務司司長林鄭月娥原本只係做活動主禮兼監誓,但見到老人家肯捱餓籌款咁有意義,於是即場宣布加入「絕食」行列,唔食嘢八小時,仲稱呼公公婆婆「哥哥」、「姐姐」,冧到班長者不知幾開心。

事實上呢班老人家又真係幾勁,為咗幫江西一間學校起新校舍,目標要籌一百八十萬元,活動中最大年紀嘅李潔貞婆婆有九十六歲,自稱平時餐餐食好少,所以饑饉冇難度喎!李婆婆又話自細輟學好慘,搵工好艱難,希望下一代讀多啲書,所以佢落力籌錢幫內地嘅窮學生。

第一手消息請下載on.cc東方互動iPhone/iPad/Android/Windows Phone Apps

林鄭月娥(右)話受到李潔貞(中)等長者嘅愛心感染,即時加入饑饉八小時。