「要腳定要命？」父母五分鐘含淚決定

【本報訊】「要腳定要命？」鴻仔父母事發後趕往醫院時，醫生要求他們在五分鐘內為兒子作出決定，他們簽字為兒子截肢保命一刻痛不欲生，含淚說：「喺呢生死五分鐘要下決定，真係好難！」鴻仔是家中獨子，最愛逛街踏單車，今次意外後恐怕以後不能再踏單車，又慨嘆；「冇咗隻腳，咁就一世喇！」其子轉行做地勤及回鄉娶妻的計劃亦不知如何是好。

李父說，意外後得知兒子在救護車上心臟停頓，感到晴天霹靂，「當時真係以為會冇咗個仔。」最後鴻仔保住性命，但慘變殘障，他心痛欲絕：「依家執番條命，算係不幸中之大幸！但係我一定會追究，我個仔無咗隻腳，咁就一世喇！」他說鴻仔朋友不多，與家人相處融洽，和胞姊感情最好，他性格好動，放假最愛一個人逛街，最近買了一架摺合式單車，每晚放工後會在附近的海濱長廊踏單車。

他說，鴻仔最近曾經透露不想再做清潔工人，希望有機會轉職機場地勤搬行李，現在恐難以實現，李父又說：「鴻仔未拍過拖，我本來打算遲啲帶佢返鄉下娶老婆，依家搞成咁，都唔知點算！」