SUN世代：父母力撐偷偷觀戰
訪問當日，峻榮才剛從新西蘭回港，但同晚即要轉往瑞士，備戰稍後於荷蘭舉行的世界單車公路青年錦標賽，時間倉促得只夠他回家整理一吓行李。為爭取更多相處時間，峻榮一家人就特地到機場為他送行。「當初同佢去踩單車，都無諗過佢有朝一日會成為世界冠軍。見到佢咁全神貫注、咁盡力去做一件事，作為父母點都會支持！」梁爸爸笑道。
不少香港父母都反對子女在體育界發展，認為在港當運動員無前途，當個專業人士更實際。梁爸爸梁媽媽非但沒有這種想法，更有實際行動支持愛兒，「雖然教練反對家長去睇佢哋比賽，驚影響佢哋心情，但我哋有時都會偷偷地混入觀眾堆，睇峻榮比賽。」世青賽即將舉行，他們可有打算現身支持？梁媽媽望一望背後的峻榮，再向記者打了一個眼色，一切盡在不言中。
父母及兄長對峻榮（左二）十分支持。