政壇：政商定格：數身家宗慶后成內地首富
娃哈哈創辦人宗慶后係超級有錢人，但冇人知佢身家嘅準確數字，娃哈哈發言人尚奇寧日前爆咗響口，話宗慶后嘅身家有二百一十六億元（美元．下同），即刻令宗老闆榮升為中國內地首富。
身為中國第三大飲料製作商嘅董事長，宗慶后嘅財力當然唔嘢少，但未公布佢喺娃哈哈所持有嘅股份之前，佢嘅身家足足被人低估咗好多。根據彭博社億萬富豪指數，現時持有超過百分之八十娃哈哈股份嘅宗慶后，佢嘅總資產比全國最大搜尋器百度嘅創辦人李彥宏仲要多。
而胡潤同埋福布斯嘅富豪榜，宗慶后同李彥宏嘅排名好唔同，胡潤話宗慶后威過李彥宏，福布斯就啱啱相反。有咗尚奇寧提供嘅資料，遲啲個排名應該唔會差咁遠。
彭博社的最新指數顯示，娃哈哈大老闆宗慶后已成中國首富。