政壇：政商定格：嚴玉麟1.5公升靚紅行善
一眾城中名流靚女及傑出設計師日前齊集灣仔君悅酒店，為連續八年舉行嘅《香港傳藝節．仁濟慈善晚宴》共襄善舉，當晚為仁濟教育服務基金籌得一百二十萬元善款。當晚節目焦點係由著名時裝設計師何國鉦（Dorian）呈現嘅精彩時裝騷，星級名模演繹華麗晚裝，配襯價值逾億嘅珠寶，盡顯高貴優雅。
仁濟副主席嚴徐玉珊係活動嘅籌委會主席，太太擔大旗，做老公嘅時捷集團主席嚴玉麟梗係鼎力支持，慷慨捐贈一點五公升、七九年靚紅酒珍藏拍賣，結果由中策集團主席兼思捷環球主席柯清輝以三萬六千元投得，唔講唔知，柯原來係嚴玉麟囡囡Carmen嘅契爺。
晚宴另一高潮係清朝雍正皇帝後裔愛新覺羅．燾健及「中國魚王」宋守友捐贈嘅畫作，仁濟總理吳國榮最終以六萬元投得鯉魚名畫。
中國魚王宋守友（右）現身會場，他的鯉魚名作以六萬元由仁濟總理吳國榮（左）投得。
何國鉦（中）搞個人時裝騷，潮人朱仲賢（右）及太太程瑤（左）猛讚話靚。