SUN微博：SUN畸事：血染的校園
有學生因「食檸檬」揚言血洗校園，施展大屠殺！當然現實中沒有成事，但在最終幻想中，有憤青逼近校園……
憤青：我要你喺九月三日之後從此喺地球上消失！
窖師：你想點呀！
憤青：等我幫你洗個太平地！有衰嘢就要洗走！
窖師：唔畀！同學！撤退！撤、撤……嗚呀！
憤青：我都未切你，你撤咩？
窖師：同學們不用怕，快快同我一齊唱「如果是這樣，你不要悲哀……」
憤青：你搞邊科呀？
窖師：國窖品酒科。
憤青：九唔搭八！總之收唔番條數，就一定要見紅！
窖師：即係點？
憤青：淋你紅油，染紅你呢度囉！
窖師：妖，發癲就過隔籬啦！呢度學校嚟o架！
憤青：吓……噢！sorry，去錯地方……
（花生友如有對號入座，請食自己）