政壇：黎大鈞博中4G上客時機

新一代iphone、即坊間講嘅iphone5被傳極有可能今個月十二號面世，咁啱得咁蹺，數碼通竟然揀喺前一日開放4G網絡上客，好多人都估係咪佢哋收到風，知道新機將可配合香港4G網絡使用，數碼通總裁黎大鈞就話，自己今次都係賭一鋪，連佢都唔知蘋果公司當天會唔會有新機公布。

講到外界質疑數碼通當年唔投新頻譜拓4G，會影響網絡質素同競爭力，黎大鈞話「當年唔投新頻譜，改以1.8吉赫頻譜搞4G，確係賭一鋪，但今日個個台都話要搞1.8吉赫喺4G，證明我哋贏咗」。賭一鋪好似係佢嘅口頭禪。

數碼通年初打算帶頭叫停無限上網，可算係被對手跣咗一鑊，不過，今時今日個個台喺無限上網都有公平使用量限制，黎認為正好證明任用模式有問題，至於數碼通日後又唔會再帶頭，改收費模式﹖黎就話：「唔知……話唔定第日係我哋跣番人呢！」