政壇：傑青歎Fusion菜商35周年會慶
歷屆獲選為十大傑出青年嘅才俊有個傑出青年協會，今年成立三十五周年，一班傑青相約喺尖沙咀一間隱世餐廳「Chef Stage」（廚社）聚會，協會副主席甄韋喬同廚社老闆娘Dominique係中學同學，喺甄韋喬穿針引線下，協會主席洪詠慈、上屆主席蕭智剛及副主席鄧智偉齊齊去試菜。
Anna預告協會將出版一本紀念特刊，入面有齊晒歷屆三百一十三位傑青嘅資料，特別之處係刻意印刷三百一十三頁，以紀念歷史一刻。每年一度嘅旗艦活動「明日領袖高峰論壇」及「明日領袖獎」均由Mickey做籌委會主席。佢哋呢晚品嘗特色Fusion菜，先有「薑葱蝦配搭風乾火腿沙律」，再嚟「龍蝦濃湯配生蠔」，而主菜係燒羊架配肉眼扒，羊肉嫩滑無渣，肉眼味道濃郁。
甄韋喬（左起）、蕭智剛、Dominique、朱志良、洪詠慈及鄧智偉齊商周年慶祝大計。
薑葱蝦配風乾火腿沙律
燒小羊架配肉眼扒