SUN微博：打橫嚟講：失驚無神畀錢你使

人，總會有私心的，所做的一切，或多或少定必以自己的利益為大前提，這是可以理解的，亦是必然的！

大陸政府失驚無神，上個月尾透過內地公安部宣布及通知香港特區政府，本月初起，將會執行一個名為「一簽多行」的措施，讓深圳非戶籍居民可以按該計劃自由出入香港。

除這批在深圳幹活的四百多萬外省民工外，還未計同時開放內陸六個地區，包括北京、天津、上海、重慶、廣州和深圳開展「出入境便民優惠」政策，佢哋鍾意幾時嚟幾時走都得咁話，如此這般，就真係中港大融合，兩地無分彼此你我一家親了！

呢個「一簽多行」的方案，一經公布後，香港特區內立刻喧嘩四起，異分兩端，一種是超級反對的聲音，另一方則是喜躍歡騰的讚許掌聲。

憂心反對的，論點係今日香港已經大量充斥內地水貨客，搶亂香港物價，搞到經濟通脹，加上佢哋文化質素卑劣，隨時會帶壞香港；而那些放開懷抱，迎接內地叔伯鄉親的人，都有一個重點就係喜愛人民幣，並且願意大開中門，任由佢哋插進來。

香港民意兩極化，哪邊較正路呢？看看香港特首梁振英果斷臨時喝停此措施，便是了！有人話嗰四百幾萬人又唔係同一時間來的，怎會攪亂踩平香港喎！

梁特首只暫緩三周，嗱！大家不妨放長雙眼睇吓！三個禮拜之後香港會點？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：一簽多行有幾可行?

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot