SUN微博：Sun畸事：只許按章掠水
港鐵接駁巴士工潮來臨，雖然勢必影響市民返工返學，但網絡上著名巴士迷香檳男卻開香檳慶祝。
香檳男：Wohooo！開學快樂！Happy school day！
巴士叔：咁高興，揸個手先！
香檳男：唔揸，就係你啲人，（拍膊），搞到巴士咁亂，個個按章工作行慢線，人人返唔到學！
巴士叔：你做咩拍我膊頭呀！你有壓力、我有壓力、司機有壓力、港鐵有壓力，你做咩挑釁我呀！
香檳男：嘻嘻！但係其實我好開心有新嘅特慢巴士線喎！
巴士叔：四眼仔你都係唔妥港鐵剝削員工啦？
香檳男：唔通我撐「可加可加機制」按章掠水？
巴士叔：咁即係我哋無晒問題啦，咁揸個手先！
香檳男：唔揸！
巴士叔：唔揸手即係未掂啦，未掂即係要搞到掂！未解決！未解決！
香檳男：有人陪我癲！好興奮！瞓唔到覺！
（花生友如有對號入座，請食自己）
