政壇：政商定格：陳君宜網店10個月扭虧
時尚購物網站ZEUZ.COM創辦人Qinnie陳君宜，自嫁予富商老公鄭躬明後，唔願做少奶奶歎世界，寧願靠「食力」開店，實現夢想。網站開業短短十個月已收支平衡，仲交到唔少好友，好似農圃飯店董事Tina關淑儀就係忠實粉絲，兩人早前相約喺農圃食晏，講衫講鞋講扮靚。
Qinnie潮流觸覺快人一步，嚟緊十月將起程去巴黎、米蘭同倫敦睇時裝騷，大舉入新貨。佢坦言每季購入逾千萬元貨，金額不菲，要落足眼力至得。近年商舖狂加租，慶幸開網店無加租壓力，擴充話咁易。佢諗頭多，嚟緊將考慮與鐘錶界美女胡敏珊合作，引入年輕品牌手錶喺網站賣，又會粉墨登場做主持，分享最潮心得。
陳君宜（右）同髮型屋老闆娘阮詠珊（左）係農圃常客，老闆娘關淑儀（中）親自招呼。