政壇：搞搞政：黃成智歧視同志失選票
白鴿黨嘅立法會新界東候選人黃成智前排嘅「剩女論」得失咗唔少女性選民，要求佢道歉，仲有人話要踢佢出局。而之後佢對同性戀嘅立場亦畀網民狂轟，辣慶唔少同志選民，仲畀一個同志組織調查評定為「恐同候選人」添，認真火頭處處。
同志公民係上個月訪問咗超過三百人，近八成受訪同志話，對公開反對同志政策嘅候選人感到不滿。同志公民相信佢哋嘅同志票源將會成為關鍵票數，而喺佢哋嘅調查中，仲發現有四成受訪者認為黃成智係一個「恐同候選人」，位列榜首。
同志公民話，其實白鴿黨曾多次表示支持反性傾向歧視，但黃成智就好似唔係太跟大隊，所以已經成為白鴿黨嘅「負資產」，而得失嘅亦已經唔只係同志選民，仲有好多支持平等嘅傳統泛民支持者。
設計圖片