政壇：盧偉國誓破兩對手圍剿

今屆立法會工程界四人混戰，被指係「梁粉」嘅盧偉國除喺政綱力銷薪火相傳，暗寸對手何鍾泰做咗八年都唔肯讓位外，尋日仲喺造勢大會學後生仔玩art jamming爭取支持。對於何鍾泰同另一對手公文袋黎廣德之間有秘密過票協定，盧偉國就話唔評論，但就話如果真係有人配票嘅話會覺得痛心喎！喺上次工程師學會論壇上，何、黎不斷攻擊盧偉國，盧偉國就話如果對手集中火力對付佢，證明佢嘅競選工程做得唔錯喎。至於下星期希望攞到幾多票，佢話多少唔重要，夠贏就得啦。界別仲有候選人陸宏廣。

第一手消息請下載on.cc東方互動iPhone/iPad/Android/Windows Phone Apps

盧偉國（前排中）玩art jamming爭取支持。