SUN微博：Sun畸事：口服精華液發展史
強國科技日新月異，在強調科學發展觀和跨學科合作的同時，現正隆重推出坑渠油抗生素，包裝成乜太口服液，齊齊對抗生命。此項成就更引來孔子化學獎一眾「萍嬸」激烈讚賞。
孔膚淺：仲嚟呀仲嚟，周一鑊雖死，佢嘅鑊仲係咁嚟㗎？
孔仲嚟：咁膚淺嘅？乜太口服液，我細細個就聽過呢個名o架喇，早過佢好多。
孔膚淺：唔怪得啦，我記得以前明明係無港女呢樣嘢㗎嘛……
孔仲嚟：所以之後咪出埋靜心畀啲剩女囉。
孔膚淺：哦！我已完全明白了！搞到我都想飲支！
孔仲嚟：呢度有支，飲啦！
孔膚淺：好！咕嚕咕嚕……
孔仲嚟：睇吓你，面色紅潤我鍾意！
孔膚淺：真係紅到好似座山着晒火，染紅咗咁喎！
孔仲嚟：燒山好嘢！多謝燒山！
（花生友如有對號入座，請食自己）
