政壇：查史美倫嚴審內地企業
有「財金界鐵娘子」之稱嘅行會成員查史美倫，正忙緊籌組金融發展局，業界好關心呢個組織會否凌駕監管機構。查太好維護監管機構嘅權力，仲透露早在佢做緊證監會副主席嘅時候，喺九三、九四年有大量內地企業申請嚟香港上市，當中有好多公司已經用「國家機密」理由嚟迴避帳目問題，查太當時話：「我尊重國家機密，所以我不要求你們公開，也請不要來香港上市。」
查太又表示，監管就係證監會嘅工作，依家佢不在其位，所以唔會評論證監會同港交所嘅做法，但佢強調，嚟香港上市嘅係應該公開嘅材料，應該按上市條例公布。
講完公事，查太透露啱啱同老公去咗倫敦睇奧運充電，兼且偷師睇吓倫敦呢個「金融城」嘅運作。
查史美倫