SUN世代：寰宇覓佳釀「酒」出創業路

「無論咩客人，都要向佢哋提供最好、最全面嘅服務。」

做生意當然為賺錢，亦有人為興趣創業，但林淑怡（Mariana）卻視做生意為藝術。四年多前，她開展了第一間酒公司，生意漸上軌道，今年又孕育第二個「孩子」，「我當公司係自己仔女o架！將盤生意由無變有，再令佢持續發展，真係門好有趣嘅學問！」

「細個每逢過時過節，或者同啲世叔伯食飯，爹哋都會開支紅酒飲，又會同我講吓支酒咩年份，好唔好飲。估唔到依家輪到我喺唔同地方，搜羅靚酒畀佢飲。」Mariana舉起那半滿的酒杯，杯內酒紅色的佳釀，不但散發出陣陣香氣，更彷彿訴說着她的故事。

明白口碑重要性

大學時讀會計系，Mariana畢業後亦理所當然地到會計師樓工作，但她卻發現自己愛對人遠多於「對數」。刻板的核數工作，絕非她所追求，「後來輾轉去咗間郵輪公司做，學到好多唔同方面嘅嘢，亦都令我想建立自己生意嘅諗法愈嚟愈強。」

釀好酒需要天時地利，生意成功同樣需要時地人的配合，Mariana在等待一個機會，「雖然有唔同朋友都邀請過我搞生意，好似服裝、飲食等，但我始終都覺得時機唔啱。」合適時機終於來臨，政府○八年推出酒稅優惠，與酒相關的行業頓成熱門生意，她亦決定於此時走進商界。

凡事起頭難，公司未正式運作，她就要先嘗事事一腳踢的滋味。由入貨、宣傳，甚至搬搬抬抬都要親力親為，她更特意惡補酒知識，參考外國公司的經驗，務求旗開得勝，但結果都要先受教訓。

開業初期，Mariana向外國供應商入貨，豈料對方收錢後，竟拒絕按時交貨，「當時出律師信佢哋都唔理，後來聯絡到當地警方同相關部門，係佢哋介入下，半年後先拎得返啲錢」。經此一役，她明白到口碑的重要性，「無論咩客人，都要向佢哋提供最好、最全面嘅服務」。

公司漸上軌道，Mariana靜極思動，近月又再建立另一間酒公司，「網上購物愈嚟愈流行，我就喺度諗，衫褲都得，酒點解唔可以？客人只要安坐家中上網，就可以買到我哋精選嘅酒！」此刻她緩緩放下酒杯，那半空的酒杯，映照出她那充滿自信的笑容。

Mariana's 小檔案

學歷：美國波士頓學院金融及會計學學士

現職：酒世界董事、WineDeals.com.hk創始人及董事

公職（部分）：香港各界婦女聯合協進會名譽副會長、香港青年聯會會董、香港區潮人聯會會董