SUN微博：Sun畸事：濫用被濫用

當局考慮限制單身人士買居屋，不許剛滿十八歲便申請；公屋方面，近二萬人申請時是零收入學生，佔近十九萬宗申請約一成；那邊廂又有內地港大生住不起西營盤，迫住深圳。即使有梁策推出，「年輕人」也不禁抱怨……

譚校長：搞錯呀，又話年輕人濫用公屋，其實得個一成申請，仲要唔知排咗幾年！

送禮勤：咁真係「剝削」咗家庭申請人，同人爭緊公共資源嘛！

譚校長：唔通單身，唔墮入《愛情陷阱》，就注定要做無殼浪子？

送禮勤：我唔係話人人都要《合久必婚》……

譚校長：但係單身就要低人一等？

送禮勤：唔係……不過你年紀都大，唔好咁躁……

譚校長：係人都知我行年只係二十五！

送禮勤：你呃鬼呀！

譚校長：唓，劏房嗰啲四五十幾歲嘅人，只要你單身，就係計分制下嘅「青年」，咁我點解唔係？

送禮勤：＊）％＆＊＠＄＿＠……但係你都有道理喎！

（花生友如有對號入庭，請食自己）