蘋果公司告三叔侵權，三叔要賠十億美元（約八十億港紙），仲可能會被踢出美國市場，真係慘過敗家。網上傳聞三叔唔服氣，決意嚟個大報復，將罰款兌晒做五分美金，一車車咁送畀蘋果，消息熱爆各大討論區。真絕！不過係流料，張相其實係嚟自幾年前美國鑄幣廠嘅資料圖片，不過單新聞就算係真，「十億小額錢債」呢條橋都唔一定得。根據美國法例，受方有權拒收咁多硬幣，一般嚟講係二十元美金以上。香港都有類似法例，所以除非大家諗住用嚟掟人，否則就唔好兌咁多散銀啦。